Superstar "Ravikishan" visits Bhojpuri Association of India (BHAI)
{ सुपरस्टार "रविकिशन" "भाई" के दफ्तर पधारे }

भोजपुरी एसोसियेशन आफ इंडिया, नार्थ चैप्टर, के कार्यालय लखनऊ पहुँचला पर भोजपुरी फिल्मन के सुपरस्टार रवि किशन के नार्थ चैप्टर डायरेक्टर दिनेश तिवारी जोरदार सोआगत कइलन।


भोजपुरी भासा के बढ़न्ती आ अपना संस्कृति के रक्षा खातिर समर्पित चैप्टर डायरेक्टर दिनेश तिवारी से मिलके रवि किशन बहुत खुश रहलन। ऊ कहलन भोजपुरिया लोगन में एकजुटता ले बहुते दरकार बा।

एह मउका पर भोजपुरी संसार पत्रिका के समन्वय संपादक मनोज श्रीवास्तव, कलाकार एसोसियेशन, उत्तर प्रदेश के सचिव विनोद मिश्रा, राजशेखर सिंह, विनोद कुमार सिंह, मनोज यादव के अलावे ढ़ेर लोग मउजूद रहे।